ტერმინი „ევროპული კულტურული მარშრუტი“ ეხება გზას, რომელიც კვეთს ერთ ან რამდენიმე ქვეყანას ან რეგიონს, რომლებიც ორგანიზებულია საზოგადოების გარშემო, რომლის ისტორიული, მხატვრული ან სოციალური ინტერესები აშკარად ევროპულია.

ჩვენი კულტურული ჩაის მარშრუტი „ჩაით შეღებილი საქართველო“ მოიცავს გურიას, სამეგრელოს, იმერეთის რეგიონებს, აჭარის ავტონომიურ რესპუბლიკასა და თბილისს. მარშრუტი მოგვითხრობს საქართველოში ჩაის კულტურის განვითარების ისტორიას და მის მნიშვნელობას როგორც ადგილობრივ, ასევე საერთაშორისო ბაზრებზე.

მარშრუტის მონაწილეები არიან: ქართული ბიო ჩაის კომპანიები, ასოციაციები, ჩაის სახლები და მუზეუმები, რომლებიც თავიანთ ისტორიებს მოუყვებიან და ვიზიტორებს მრავალფეროვან მომსახურებას შესთავაზებენ: ჩაის რამდენიმე სახეობის დეგუსტაცია, ისტორიული ექსკურსია, კრეფისა და დამუშავების პროცესის გაცნობა.

ბენეფიციარების მოთხოვნები: პირველ რიგში, მათ უნდა ჰქონდეთ ისტორია, რომელიც მათ სხვებისგან გამოარჩევს (შექმენი შენი ისტორია, გაყიდე შენი ისტორია), „ფერმიდან სუფრამდე“ კონცეფცია, დაინტერესებულ პირებს შეეძლებათ ჩაის კომპანიების მონახულება და ადგილზე დაგემოვნება, სხვადასხვა აპლიკაციებისა და საიტების დახმარებით (კულტურული მარშრუტები, ბილიკი და ა.შ.). ასევე, მათ უნდა დანერგონ საერთაშორისო წარმოების სტანდარტები, აიღონ სოციალური პასუხისმგებლობა, ჰქონდეთ ბიოსერტიფიკატი და ვიზიტორებისთვის შესაბამისი ინფრასტრუქტურა.

სამეგრელოში ჩაის მოყვარულები დადიანების სახლ-მუზეუმს, ბოტანიკურ ბაღსა და კაფე „აკ დადიანს“ ეწვევიან, სადაც მათ შეეძლებათ სხვადასხვა სახეობის ქართული ჩაის დაგემოვნება. ასევე, ისინი გაეცნობიან სამეგრელოს ისტორიასა და კულტურულ მემკვიდრეობას.
მარტვილში მარტვილის ჩაისა და მეგრული ჩაის მწარმოებლებს მოინახულებენ. ისინი ჩაის მწარმოებელთა ასოციაციის საქმიანობას გაეცნობიან და ჩაის დეგუსტაცია მოეწყობა. აქ ისინი მარტვილის კანიონს ეწვევიან, შემდეგ კი, წალენჯიხაში, კომპანია „ლაზის“ პლანტაციებს, ჩაის ფაბრიკასა და უნიკალურ ენგურის კაშხალს მოინახულებენ, იქიდან კი, სურვილის შემთხვევაში, ტობავარჩხილის უნიკალურ ტბებსაც მოინახულებენ. აღმოაჩინეთ ჩაით შეღებილი საქართველო!